Bonbini na nos website
Ken por bin keda na nos hospice?
Nos hospice ta pa personanan cu ta den ultimo etapa di nan bida y mester di cuido paliativo, y cu pa un motibo of otro no por of kier keda na cas mas.
Con grandi nos hospice ta?
Nos hospice ta chikito y por ricibi 6 huesped, cada un cu su mes un camber.
Atencion y espacio personal ta primordial na nos hospice
Facilidad moderno
Experiencia den cuido
Ambiente di cas
‘Casi manera nos mes cas’
Nos hospice ta un cas, ‘casi manera nos mes cas’, unda nos ta ofrece cuido den ambiente di hogar. Un team di boluntario, enfermero y dokter di cas ta duna cuido y sosten na personanan cu un maleza severo pa cual no tin cura mas y cu a yega nan etapa final di bida. Dor cu nos ta haci esaki cu hopi hende, e tarea lo bira mas leve pa cada un.
Alivia sufrimento, crea espacio pa cada un, respeta autonomia y duna atencion na nos huespednan ta primordial. Nos huespednan ta haya cuido cu amor y respet den un ambiente cariñoso y cu dedicacion.
Mescos cu na cas, no tin orario fiho di bishita. Nos huesped (y famia) por laga sa kico nan ta desea.
Cuido
Na hospice tin cuido 24 ora pa dia. Nos boluntarionan cu ta yuda cu cuido personal ta haci loke famia na cas tambe lo haci:
- compaña e huesped
- yuda cu su cuido personal diario
- scucha y combersa cu e huesped y tambe cu su famia
- t’ey pa e huesped na momento cu su pareha, famia of amigo no por t’ey.
Banda di e cuido personal boluntarionan por yuda cu cushinamento, laba y strika, haci respondi, mantene hardin y cas y cu administracion. Mescos cu na cas.
Na hospice en principio ta cushina cuminda fresco tur dia.
Tur dia di siman for di mainta te anochi tin boluntario presente. Enfermeronan ta presente 24/7.
Nos ta miembro di Kwaliteitskompas VTPZ Nederland pa asina amplia nos conocemento pa sigui ofrece un nivel halto di cuido paliativo den colaboracion cu nos boluntarionan, profesionalnan di cuido y miembronan di famia cu ta di sumo importancia den e desaroyo di cuido paliativo di calidad unda e cliente ta e enfoque central.
Registra
Registracion na nos hospice ta bay via specialista y/of dokter di cas. Un huesped por wordo registra na hospice den consulta cu nan. Un di nos coordinadornan lo tuma contacto cu e huesped.
Si bo ta desea di pasa bishita hospice bo ta semper bonbini cerca nos na Noord Cura Cabai 147.
Pa mas informacion of pa traha un cita por yama nos number di telefon 584 0085.
Of bo por click e boton abou pa manda nos un email, e ora nos lo tuma contacto cu bo.
Sigui nos riba Facebook
Ricibi noticia tocante hospice riba nos pagina di Facebook.
Bo por sostene nos
Nos hospice ta depende pa gran parti di donacion y fondo.
Nos ta pidi huespednan un contribucion, pero esaki no ta suficiente pa cubri gasto di hospice.
Si bo kier aporta nos hospice financieramente , bo persona por haci un donacion mensual/anual of di un solo biaha.
Tur donacion ricibi lo bay pa e bon causa aki.
Fundashon Hospice Atardi
Aruba Bank Acct. # 6011120190
Swift # ARUBAWAX